Кіру және аккаунт

Кіру тәсілдері

Кіру экранында мыналарды пайдалануға болады:

• Эл. пошта мен құпиясөз
• Google арқылы жалғастыру
• Apple арқылы жалғастыру — тек iPhone-да

Телефон нөмірі мен SMS-код арқылы кіру қолжетімсіз. Әр аккаунтқа электрондық пошта керек: сол арқылы кіресіз және жаңа құпиясөзге сілтеме соған келеді.

Google немесе Apple арқылы кіргенде, аккаунтыңыз болса, қолданба соған кіреді, болмаса жаңасын ашады.

Аккаунт ашу

1. Қарсы алу экранында Бастау түймесін басыңыз. Кіру экраны ашылады.
2. NexaRide-де алғаш рет пе? астындағы Аккаунт ашу түймесін басыңыз.
3. Атыңыз, Эл. пошта, Құпиясөз (кемінде 8 таңба) және Құпиясөзді қайталаңыз өрістерін толтырыңыз.
4. Аккаунт ашу түймесін басыңыз.

Содан кейін баптау тізімі ашылады («NexaRide-пен жұмысты бастау» бөлімін қараңыз).

Жалғастыра отырып, сіз Пайдалану шарттарын және Құпиялылық саясатын қабылдайсыз. Олардың сілтемелері кіру экранында және Мен › NexaRide туралы бөлімінде бар.

Кіру

1. Қарсы алу экранында Менде аккаунт бар (немесе Бастау) түймесін басыңыз. Қарсы алу экраны тек алғаш ашқанда көрсетіледі.
2. Пошта мен құпиясөзді жазып, Кіру түймесін басыңыз — немесе Google не Apple арқылы кіріңіз.

«Пошта немесе құпиясөз қате» деп шықса, оларды тексеріңіз немесе құпиясөзді қалпына келтіріңіз.

Құпиясөзді ұмыттыңыз ба

1. Кіру экранында Құпиясөзді ұмыттыңыз ба? түймесін басыңыз.
2. Поштаңызды жазып, Сілтемені жіберу түймесін басыңыз.
3. Хатты ашып, сілтемені басыңыз. Қолданбада Жаңа құпиясөз ойлап табыңыз ашылады.
4. Жаңа құпиясөзді екі рет жазыңыз (кемінде 8 таңба), Құпиясөзді сақтау түймесін басып, кіріңіз.

«Сілтеме жұмыс істемейді» деп шықса, ең соңғы хатты ашыңыз немесе жаңа сілтеме сұраңыз. Қауіпсіздік үшін қолданба бұл поштамен аккаунт болмаса да сілтеме жіберілді деп хабарлайды.

Профильді өзгерту

Мен бөлімін ашып, атыңызды басыңыз (Профильді өзгерту). Менің профилім бетінде мыналарды өзгертуге болады:

• фото (Фотоны ауыстыру)
• Аты
• Телефон

Сақтау түймесін басыңыз. Эл. поштаны қолданбада өзгерту мүмкін емес — сол арқылы аккаунтқа кіресіз.

Шығу

Мен › Шығу. Шыққаннан кейін қайта кіргенше бұл телефонға хабарлама келмейді.

Аккаунтты жою

1. Мен бөлімін ашып, атыңызды, сосын Аккаунтты жою… түймесін басыңыз.
2. Не болатынын оқып, Біржола жою түймесін басыңыз.

NexaRide аккаунтыңыз біржола жойылады, мұны қайтару мүмкін емес. Жойғаннан кейін:

• картада автобус көрмейсіз
• жолаушылар туралы хабарламалар тоқтайды
• бұл телефонда аккаунттан шығасыз

Аккаунтты сақтау үшін Аккаунтты қалдыру түймесін басыңыз.

Жиі қойылатын сұрақтар

Телефон нөмірімен кіруге бола ма? Жоқ. NexaRide аккаунттары электрондық пошта арқылы жұмыс істейді. Пошта мен құпиясөз, Google немесе Apple (iPhone) арқылы кіріңіз.

Google арқылы кірдім. Менде құпиясөз бар ма? Google немесе Apple арқылы кіру үшін құпиясөз қажет емес. Сол Google не Apple аккаунтымен кіре беріңіз.

Поштаны өзгертуге бола ма? Қолданбада болмайды. Қолдау қызметіне жазыңыз: info@nexabus.com.

Екі ата-ана бір жолаушыны бақылай ала ма? Иә. Бір ата-ана жолаушы кодымен бөліседі, екіншісі оны өз аккаунтында енгізеді, ал біріншісі оны мақұлдайды («Жолаушылар» бөлімін қараңыз). Екі ата-ана өз телефондарында бір аккаунтқа да кіре алады.